Lizz Wright

Lizz Wright (fødd 22. januar 1980) er ein amerikansk songar av jazz og gospel.

Lizz Wright
Fødd	22. januar 1980 (45 år)
Fødestad	Hahira
Opphav	USA
Aktiv	2003–
Sjanger	rhythm and blues, jazz, folkemusikk
Instrument	vokal
Stemmetype	alt
Plateselskap	Verve Records
Verka som	songar, komponist, jazzmusikar, musikar

Wright vart fødd i Hahira i Georgia i USA. Ho voks opp som prestedotter, og kom tidleg i kontakt med gospelmusikk. Då ho var 14 år hadde ho lært seg å spela piano, og byrja å spela i kyrkja til faren. I 1996 vann ho National Choral Award for innsatsen sin i kormusikk på Houston County High School.

Ho studerte song ved Georgia State University i Atlanta, og byrja hovudsakleg å synga jazz.^[1] Seinare har ho studer ved The New School i New York^[2] og i Vancouver i Canada.

Wright blei med i vokalkvartetten In the Spirit frå Atlanta i 2000. I 2002 skreiv ho kontrakt med Verve Records. Det første albumet hennar Salt kom ut i 2003.^[3] Det inneheldt coverlåtar og fem sjølvskrivne songar. Stilen og karrieren hennar har leia til samanlikningar med Norah Jones.^[1]

I 2006 vitja Wright Nasjonal jazzscene på Cosmopolite, Bergen jazzforum, Vossajazz og Kongsberg Jazzfestival.

Diskografi

• Salt (2003)
• Dreaming Wide Awake (Verve Forecast, 2005)
• The Orchard (Verve Forecast, 2008)
• Fellowship (Verve Forecast, 2010)
• Freedom & Surrender (Concord, 2015)
• Grace (Concord 2017)