Llanfairpwllgwyngyllgogerychwyrndrobwllllantysiliogogogoch

Llanfairpwllgwyngyllgogerychwyrndrobwllllantysiliogogogoch (eigentleg Llanfairpwllgwyngyll, vert avstytt Lllanfair PG eller Llanfairpwll) er ein landsby i Anglesey i Wales. Namnet tyder Kyrkja til den heilage Maria i søkket ved den kvite hasselen nær ein sterk kvervelstraum og kyrkja til den heilage Tysilio nær den raude hola.

Turistar framfor stasjonsbygget.

Stasjonsbygget.

Llanfairpwllgwyngyll
landsby
Land	Storbritannia
Konstituerande land	Wales
Folketal	3 107
Llanfairpwllgwyngyllgogerychwyrndrobwllllantysiliogogogoch 53.223333°N 4.199444°W / 53.223333; -4.199444
Wikimedia Commons: Llanfairpwllgwyngyll

Namnet vart laga i 1860-åra i samband med opninga av jernbanestasjonen, for at ein skulle få det lengste stasjonsnamnet i Storbritannia og med det setja staden på kartet. Det er framleis det lengste stadnamnet i Storbritannia, og det tredje lengste i verda, etter dei fulle namna til hovudstaden Bangkok og Taumata på New Zealand.

Landsbyen er eit populært turistmål, og det er spesielt vanleg å la seg fotografera framfor stasjonsskiltet og å kjøpa «pass» som er stempla i ein lokal butikk.

Fleire andre stader har freista å ta ifrå Llanfairpwllgwyngyllgogerychwyrndrobwllllantysiliogogogoch tittelen for det lengste stadnamnet, mellom anna med Gorsafawddacha'idraigodanheddogleddollônpenrhynareurdraethceredigion og Llanhyfryddawelllehynafolybarcudprindanfygythiadtrienusyrhafnauole, men ingen av desse har blitt offisielt godkjende.