Lomonosov i Russland

Lomonosov (russisk Ломоно́сов) er ein by i den føderale byen Sankt Petersburg i Russland med om lag 40 000 innbyggjarar. Han ligg ved sørkysten av Finskebukta, rundt 30 km vest for sentrum av St. Petersburg.

Lomonosov Ломоносов
Horisonten til Lomonosov
Byvåpenet til Lomonosov
Plassering
Styresmakter
Land	Russland
Føderasjonssubjekt	St. Petersburg
Grunnlagd Bystatus	1710 1780
Geografi
Innbyggjarar  - Totalt (2003)	37 800
Koordinatar	59°55′N 29°46′E
Tidssone - Ved sommartid	MSK (UTC+3) MSD (UTC+4)
Diverse annan informasjon
Retningsnummer (tlf)	+7 812

Byen heitte Oranienbaum (russisk: Ораниенба́ум) til 1948. I byen ligg eit 1700-tals park- og palass-kompleks (Oranienbaum). Palasset er det einaste av dei kjende palassa rundt St. Petersburg som ikkje vart teken av tyskarane under den andre verdskrigen.

Kammenoje-paviljongen ved palasskomplekset Oranienbaum

Det opphavlege namnet på byen er Oranienbaum, som tyder «appelsintre» på tysk (på dagens tysk er ordet Orangenbaum). Namnet gjaldt først palasskomplekset, som hadde drivhus for eksotiske planter. Det noverande namnet er for å ære vitskapsmannen, diktaren og glasblåsaren Mikhail Lomonosov. I 1754 grunnla Lomonosov ein fabrikk for farga glas ved Oranienbaum, i landsbyen Ust-Ruditsa.

Det store palasset med den nedre parken er eit utsøkt døme på eit kunstnerisk kompleks frå første fjerdedel av 1700-talet. Det vart bygd i perioden 1710-25 vis-a-vis Kronstadt, nær keisarresidensen Peterhof.

Kjende personar frå Lomonosov

• Igor Stravinskij – komponist

Bakgrunnsstoff

• Historier og bilete frå Lomonosov-palasset Arkivert 2014-03-14 ved Archive.is

Kjelder

• Delar av denne artikkelen bygger på «Lomonosov (by)» frå Wikipedia på bokmål, den 1. februar 2009.