Lothal

Lothal (લોથલ loˑt̪ʰəl) er ein av dei større ruinbyane etter Indussivilisasjonen og stammar fra rundt 2400 f.Kr. Staden ligg nær den noverande landsbyen Saragwala i Bhal-regionen i den indiske delstaten Gujarat, om lag 8 mil sørvest for delstatshovudstaden Ahmedabad.

Indusdalsegl og ein stor modell av eit avtrykk.

Lothal લોથલ
Land	India
Stat	Gujarat
Distrikt	Ahmedabad
Stad	Saragwala
Periode	Induskulturen
Grunnlagd	Ca. 2400 f.Kr.
Lothal 22.521388888889°N 72.249444444444°E / 22.521388888889; 72.249444444444
Utbreiinga og større funnstader for Indussivilisasjonen. Lothal ligg søraust i området. Utbreiinga og større funnstader for Indussivilisasjonen. Lothal ligg søraust i området.
Wikimedia Commons: Lothal

Ruinane blei oppdaga i 1954 og først grovne ut frå 1954-1955 til 1962-63 av Archaeological Survey of India (ASI), det offisielle indiske fortidsminnebyrået. Det er bygd eit arkeologisk museum ved sidan av utgravingsområdet som viser fram nokre av dei viktigaste indusdalfunna frå India.

Strukturar

Hamna eller bassenget i Lothal.

Lothal huser ruinane av ei stor hamn eller eit basseng med mål på 37 ganger knappe 22 meter. Strukturen ligg ved det gamle leiet til elva Sabarmati, som sidan har endra kurs. Via elva hadde innbyggjarane i Lothal handelssamband med Indiahavet, og det er funne prov på handel med stader i Persiabukta, og gjennom dei truleg også Det gamle Egypt og Mesopotamia.

Bygningane i byen, mellom anna ein lagerbygning med 64 rom nær hamna, låg litt høgare enn elvesletta rundt, og var omgjeven av ein bymur. Ein høgareliggjande del av byen ved varehuset har hus med private bad og eit omfattande avløpssystem. Den lågareliggande delen av byen husa handverkarar som gull- og koparsmedar og tilverkarar av skjel og perler.^[1]

Utanfor bymuren, i nordvest, låg ein gravplass. Det er identifisert 22 gravstader her, kvar forma som eit rektangel med nord-vest-orientering.^[1]

Transport

Lothal ligg seks kilometer søraust for jernbanestasjonen Lothal-Bhurkhi på jernbanelinja Ahmedabad-Bhavnagar. Han har også vegsamband med Ahmedabad (85 km), Bhavnagar, Rajkot og Dholka. Dei næraste byane er Dholka og Bagodara.

Arkeologi

Lothal blei funne i 1954 under ei arkeologisk utforsking byrja av Archaeological Survey of India etter delinga av Britisk India i 1947. Delinga medførte at dei fleste kjende indusdalstadene, mellom anna Harappa og Mohenjo-daro, gjekk til Pakistan. Lothal ligg 27 mil frå Mohenjo-daro.^[2]

Sjå òg

• Bhagatrav
• Rangpur i India