Månelys

Månelys eller måneskin er sollyset som blir spegla av månen^[1] og treff jorda.^[2]

Månelys over Bjørnafjorden

Holma båtklubb i Lysekil opplyst av månelys

Intensitetet til månelyset varierer mykje etter månefase, men sjølv ved fullmåne gjev det typisk berre 0,05–0,1 lux illumination.^[3] Til samanlikning gjev sollys på ein overskya dag rundt 1000 lux.

Purkinje-effekten gjer at ein oppfattar blå og grøne fargar betre enn raudt ved låg luminans. Dette gjer at ein ofte oppfattar det svake månelyset som blåleg.

Kultur

Månelys har ei viktig rolle i kulturen. I kunstverk, på film og i litteratur og songtekstar kan det ha ei mystisk eller romantisk tyding. I folketru kan månelyset til dømes vekka opp ein vampyr eller forvandla eit menneske til ein varulv.