Magnesitt

Magnesitt er eit mineral som består av magnesiumkarbonat, MgCO₃, og tilhøyrer kalsittgruppa (isomorfi). Fargen er kvit, grå, gul til brunleg. Det liknar kalsitt, men brusar ikkje for kald, fortynnt saltsyre. Magnesitt dannar blandkrystall med sideritt. Mineralet finst ofte saman med serpentin og kleberstein. Ved sterk oppvarming (kalsinering) dannast MgO, som blir brukt som eldfast material, til dømes til fôringar i smelteomnar.

Magnesitt
Generelt
Kategori	Karbonatmineral
Kjemisk formel	MgCO3
Strunz-klassifisering	05.AB.05
Identifikasjon
Farge	fargelaus, kvit, bleik gul, bleik brun, svakt rosa, lilla-rose
Krystallform	Vanlegvis massive, sjeldan som rhombohedron eller heksagonal prisme
Krystallsystem	Trigonal - Heksagonal scalenohedral H-M-symbol 32/m Romgruppe: R3c
Kløyv	[1011] perfekt
Brot	Muslig
Fastleik	Sprø
Mohs hardleiksskala	3.5 - 4.5
Glans	glasaktig
Strekfarge	kvit
Transparens	Gjennomsiktig til gjennomskineleg
Spesifikk vekt	3.0 - 3.2
Optiske eigenskapar
Optiske eigenskapar	Einaksa (-)
Brytingsindeks	nω=1.508 - 1.510 nε=1.700
Dobbeltbryting	0.191
Smeltbarheit	usmeltbar
Oppløyselegheit	Bobler i varm saltsyre
Andre eigenskapar	Kan syne bleik grøn til lyseblå fluorescens and fosforescens under UV; triboluminescent
Kjelder	[1][2][3][4]

Tidlegare var det drift på fleire førekomstar i området Snarum–Modum.

Det har namn etter magnesium og -itt, og vart tidlegare òg kalla talkspat eller bitterspat.