Magnus IV av Noreg

Magnus IV eller Magnus Sigurdsson den blinde (1115–12. november 1139) var konge av Noreg i tidsrommet frå 1130 til 1135.^[1] Harald IV Magnusson Gille var konge samstundes. Harald Gille lét Magnus IV verta teken til fange. I fangenskap vart Magnus IV kastrert og blinda.

Magnus IV
Konge av Noreg
Regjeringstid	1130–1135
Fødd	1115
Fødestad	Noreg
Død	12. november 1139
Dødsstad	Hvaler
Gift med	Kristin Knutsdatter
Dynasti	Hardrådeætta
Far	Sigurd Jorsalfare
Mor	Borghild Olavsdatter

Magnus Blinde var son av kong Sigurd I Magnusson Jorsalfare.

I borgarkrigstida i Noreg var det fleire stridar mellom ulike kongsemne. Byrjinga på borgarkrigstida går attende til då Sigurd Jorsalfare døydde i 1130. Makta vart delt mellom tre søner som heldt kvar si hird. Nye kongsemne, som hevda å vera kongssøner, kom og gjorde krav på kongsnamn. Etter kvart utvikla stridane seg til open strid mellom ulike flokkar.

Magnus IV vart igjen konge i tida frå 1137 til 1139, men då samstundes med Sigurd Slembe og Sigurd Munn.

«Magnus vert skamfaren.»
Teikna av Eilif Peterssen til Heimskringla.