Malham

Malham er ein landsby og eit sivilt sokn (civil parish) i Craven-distriktet i North Yorkshire i England. Han er nemnd i Domesday Book som «Malgun», eit namn som tyder 'busetnad ved grusstad'.^[2] Soknet har rundt 150 innbyggjarar.^[3]

Malham
landsby
Land	England
Region	Yorkshire and the Humber
Fylke	North Yorkshire
Distrikt	Craven
Folketal	162 (2021)[1]
Malham 54.061°N 2.153°W / 54.061; -2.153
Wikimedia Commons: Malham

Malham ligg i Malhamdale, den øvre delen av elvedalen til Aire, i Yorkshire Dales.^[4] Turistattraksjonar i nærleiken er mellom anna Malham Tarn, Malham Cove og Gordale Scar. Staden er eit viktig mål for fotturismar.

Malham Show er ei årleg hending i august som omfattar fesjå, andre utstillingar og oppvisingar knytt til landbruk og lokalt kulturliv og tevlingar som dragkamp og motbakkeløp. Eit anna arrangement er Malham Safari, i mai, der innbyggjarane og landsbyskulen lager utandørsskulpturar som blir sett opp rundtom Malham.