Mann

Ein mann er eit kjønnsmoge menneske av hankjønn.^[1]

«Mannfolk» omdirigerer hit. For romanen, sjå romanen Mannfolk.

Teikning av mann frå Pioneer-plaketten utsend i verdsrommet.

Menn skil seg frå kvinnene ved at dei har eitt x-kromosom og eitt y-kromosom medan kvinnene har to x-kromosom.^[2] Kjønnsorgana hjå mannen er for ein store del ytre. Penis og testiklane heng ut frå resten av kroppen.^[3] Ein mann kan ikkje føda barn, men kan gjera ei kvinne gravid ved samleie.^[4]

Trass i at det vert fødd fleire gutar enn jenter i Noreg (i tilhøvet 1:1,06), så er det flest kvinner mellom vaksne menneske. Gutar og menn i alle aldrar har høgare dødsrate og norske kvinner lever i gjennomsnitt fire år lengre enn menn.^[5]