Marian Hussein

Marian Abdi Hussein (fødd 24. juli 1986 i Somalia) er ein norsk politikar for Sosialistisk Venstreparti (SV) og stortingsrepresentant for Oslo sidan 2021. Sidan 18. mars 2023 har ho vore nestleiar i SV.^[1]

Marian Hussein
Fødd	24. juli 1986 (39 år) Somalia
Statsborgar av	Noreg
Parti	Sosialistisk Venstreparti
Yrke	politikar
Alle verv	vararepresentant til Stortinget (2017–2021) stortingsrepresentant (2021–)

Liv og virke

Bakgrunn

Hussein vart fødd i Somalia og kom til Noreg då ho var ti år gamal. Ho har arbeidd som vernepleiar, i NAV og barnevernstenesta.

Politisk karriere

I perioden mellom 2017 og 2021 var Hussein 3. vararepresentant for SV i Oslo til Stortinget.^[2] Før det, var ho medlem av bydelsutvalet i bydel Gamle Oslo frå 2015 til 2019. Ved Stortingsvalet 2021 var ho på 2. plass på lista til SV i Oslo, og fekk fast plass på Stortinget. Ho vart dimed den fyrste personen med bakgrunn frå Somalia som kom inn som fast representant i nasjonalforsamlinga, og samstundes den fyrste med afrikansk bakgrunn som oppnådde dette.^[3][4]

Den 18. mars 2023 vart ho vald inn som nestleiar i SV.^[1]

Stortingskomitéar

• 2021–2025: Medlem av Helse- og omsorgskomiteen