Maridalsvannet

Maridalsvannet er den største innsjøen i Oslo kommune, plassert i Maridalen, mellom Nordmarka og Lillomarka. Innsjøen har eit areal på 3,83 km² og ligg 149 moh. Maridalsvannet er ein del av Nordmarksvassdraget, og tømmer vatnet mot sør, til Akerselva.

Maridalsvannet
innsjø
Foto: Grzegorz Wysocki
Land	Noreg
Fylke	Oslo
Høgd over havet	149 moh.
Areal	3,83 km²
Kystlengd1	11,19 km
Koordinatar	59°59′4″N 10°46′42″E
Maridalsvannet 59.98444444°N 10.77833333°E / 59.98444444; 10.77833333
Wikimedia Commons: Maridalsvannet
1 Kystlengd er eit unøyaktig mål som kanskje ikkje er standardisert for denne artikkelen.

Vatnet er den viktigaste drikkevasskjelda i Oslo og dekker ca. 80 % av vassforbruket i Oslo. Vatnet vert reinsa i Oset vannrenseanlegg like ved.

Flyfoto av Maridalsvannet (2015)

Ein av dei største elvane inn til Maridalsvannet kjem frå Skjærsjøen i vest, der noko av vatnet passerer gjennom Hammeren kraftstasjon, det eldste vasskraftverk i landet som framleis er i dagleg drift.

Oktober 2007: Forureina drikkevatn i Oslo

Den 17. oktober 2007 vart det gjeve ei offisiell åtvaring mot å drikke vatnet som kom frå Maridalsvannet sidan det var oppdaga giardiaparasittar i drikkevatnet på tre ulike stader i Storo-området. Drikkevatnet kom frå Maridalsvannet, gjennom Oset vannrenseanlegg.^[1] 21. oktober vart drikkevatnet i Oslo friskmeldt.^[2]