Girl in Red

Marie Ulven Ringheim, kjend under artistnamnet Girl in Red, (fødd 16. februar 1999) er ein norsk vokalist, gitarist og låtskrivar frå Horten i Vestfold.

Girl in Red
Fødd	16. februar 1999 (26 år)
Fødestad	Horten
Fødenamn	Marie Ulven Ringheim
Alias	girl in red
Opphav	Noreg
Aktiv	2017–
Sjanger	indiepop, lo-fi, bedroom pop, indierock, dream pop
Instrument	elektrisk gitar
Verka som	songar, songar-låtskrivar
Prisar	P3 Gull for årets artist, Spellemannprisen for årets internasjonale suksess, Spellemannprisen for årets låtskriver, Årets spellemann, Spellemannprisen for årets utgivelse, Spellemannprisen i alternativ pop/rock, Spellemannprisen for årets låtskriver

Karriere

Ulven byrja i 2015 å spela inn sin eigen musikk frå soverommet sitt heime i Horten, og slo i 2018 gjennom med låten «I Wanna Be Your Girlfriend». Ulven vart kåra til «Årets Urørt» hausten 2019 og var nominert til P3 Gull 2019 i klassa for årets nykommer frå NRK Urørt og Spellemannprisen 2019 i klassene for årets gjennombrot og Gramostipend.^[1][2][3] Under P3 Gull 2020 vann ho klassa for årets artist.^[4]

Sidan 2015 har Ulven spelt på Slottsfjellfestivalen, Øyafestivalen og vore på turné i USA. Ho var òg på The New York Times si liste over den beste musikken utgjeven i 2018. I 2019 vart ho òg profilert av The New York Times.^[5] Ulven vann Spellemannprisen 2020 i klassa årets internasjonale suksess og var i tillegg nominert i klassa årets musikkvideo for «Rue» regissert av Niels Windfeldt.^[6][7]

Ulven gav ut sitt fyrste studioalbum, If I Could Maka It Go Quiet, den 30. april 2021. Albumet vart godt motteke av kritikarane, og debuterte på andreplass på den norske albumlista, og på sjuandeplass på den britiske albumlista.^[8] For albumet vart ho nominert til Nordic Music Prize i 2021.^[9]

Girl in Red i Los Angeles i september 2019.