Marrakesh Express

«Marrakesh Express» er ein song spelt inn av Crosby, Stills & Nash, som dei gav ut på Crosby, Stills & Nash i 1969. Graham Nash, tidlegare medlem i The Hollies, skreiv songen og hadde opphavleg tenkt å spele inn songen med det gamle bandet sitt. The Hollies gjorde eit forsøk på det, men det vart aldri noko meir av det.

«Marrakesh Express» Singel av Crosby, Stills & Nash frå albumet Crosby, Stills & Nash
Språk	engelsk
Utgjeve	1969
Innspelt	1969
Sjanger	Rock
Lengd	2:38
Selskap	Atlantic
Komponist	Graham Nash
Tekstforfattar	Graham Nash
Låtskrivar(ar)	Graham Nash
Produsent	Bill Halverson David Crosby Graham Nash Stephen Stills
Crosby, Stills & Nash-kronologi
-	«Marrakesh Express»	«Suite: Judy Blue Eyes» (1969)

Songen vart òg gjeven ut som den første singelen til CSN i 1969. Songen nådde 28. plass i USA og 17. plass i Storbritannia.

Marrakesh er ein by i Marokko som er kjend for lêrvarer. Marrakesh Express er eit tog Nash tok ein gong på ei reise dit frå Casablanca i 1966. Teksten er fylt med syn, lydar og stemningar han møtte på turen. I eit intervju med Rolling Stone fortalte Nash at han reiste på første klasse, men at det var så keisamt at han gjekk for å sitje med bermen og «endene, grisane og hønene».

Medverkande

• David Crosby–harmonivokal
• Stephen Stills–harmonivokal, gitar, bass, klaverinstrument, perkusjon
• Graham Nash–solovokal, rytmegitar
• Jim Gordon–trommer

Kjelder

• Denne artikkelen bygger på «Marrakesh Express» frå Wikipedia på engelsk, den 24. oktober 2010.
  • Wikipedia på engelsk oppgav desse kjeldene:
  • Warner, Jay (2006). American Song Groups: A History, from 1940 to Today. Hal Leonard. s. 486. ISBN 0634099787.
  • Pareles, John; Holly George-Warren; Patricia Romanowski (2001). American Song Groups: A History, from 1940 to Today. Fireside. s. 224. ISBN 0743201205.