Mary Robinson

Mary Robinson (fødd 21. mai 1944) er ein irsk sosialdemokratisk politikar. Ho var den første kvinnelege presidenten av Irland, og sat i stillinga frå 1990 til 1997. Frå 1997 til 2002 var Mary Robinson SN sin høgkommissær for menneskerettar.

For forfattaren med same namn, sjå Mary Robinson (1757–1800).

Mary Robinson
Mary Robinson under World Economic Forum i 2013 Foto: Michael Wuertenberg/World Economic Forum
Fødd	21. mai 1944 (81 år) Ballina
Statsborgar av	Irsk
Parti	Uavhengig
Religion	katolisisme
Yrke	Jurist, professor
Institusjonar	Columbia University Universitetet i Pretoria
Utdanna ved	Trinity College Harvard Law School Columbia University Mount Anville Secondary School
Ektefelle	Nicholas Robinson
Medlem	Royal Irish Academy American Philosophical Society The Elders
Alle verv	Irlands president (1990–1997) senator of Ireland (1987–1989) senator of Ireland (1983–1987) senator of Ireland (1982–1982) senator of Ireland (1981–1982) senator of Ireland (1977–1981) senator of Ireland (1973–1977) senator of Ireland (1969–1973) United Nations High Commissioner for Human Rights (1997–2002)

Politisk karriere

Mary Robinson er utdanna jurist, og blei 25 år gammal professor i forfatningsrett og strafferett ved Trinity College i Dublin.

Frå 1969 til 1989 var Robinson medlem av det irske senatet. 7. november 1990 blei ho vald til president i Irland, som den første kvinna.

Mary Robinson møter ei somaliske jordmor i 2011.

Mary Robinson blei utnemnd til SN sin høgkommissær for menneskerettar i 1997, og trekte seg frå presidentstillinga for utløpet av presidentperioden. I 2002 blei ho ærespresident for Oxfam International. Dette året skipa ho også Realizing Rights: the Ethical Globalization Initiative. Etter den planlagde avsluttinga av organisasjonen i 2010 flytta Robinson tilbake til Irland og skipa The Mary Robinson Foundation - Climate Justice, som har som føremål å verna og hjelpa fattige mot globale klimaendringar.

Robinosn er tilsett som leiar for Institute for Human Rights and Business og Universitetet i Dublin. Sidan 2004 har ho også vore tilsett som professor ved Columbia University. Ho er styremedlem av Mo Ibrahim Foundation, som arbeider for god leiarskap i Afrika, og er medlem i kommiteen for Mo Ibrahim-prisen.

Familie

Mary Therese Winifred Bourke er dotter av to legar, Aubrey Bourke og Tessa Bourke (fødd O'Donnell). Ho gifta seg med historikaren Nicholas Robinson i 1970. Ettersom han var protestant og ho var katolikk, motsette foreldra hennar seg ekteskapet, og kom ikkje til vigselen. Dei blei seinare sameinte att. Mary og Nicholas Robinson har tre born.

Prisar og utmerkingar

(utval)

• 2002 – Sonningprisen
• 2004 – Ambassador of Conscience Award av Amnesty International
• 2009 – Presidentens fridomsmedalje av Barack Obama

Kjelder

• Denne artikkelen bygger på «Mary Robinson» frå Wikipedia på engelsk, den 8. mars 2013.

Bakgrunnsstoff

• Offisiell biografi ved president.ie