Matty Groves

«Matty Groves» er ei engelsk folkevise, eit døme på det som på engelsk vert kalla murder ballad. Han skildrar eit møte mellom ein mann og ei gift kvinne som endar med at ektemannen til kvinna oppdagar dei og tek livet av dei. Dette er eit ganske vanleg tema innan denne sjangeren. Songen går minst attende til 1600-talet og er ein av Child Ballads samla inn av Francis James Child på 1800-talet. Han har òg andre namn, som «Little Musgrave and Lady Barnard». Ei svært populær og meir uskuldeg avleiing er songen «Shady Grove», truleg med opphav i oldtime-musikken frå Appalachane i det søraustlege USA. Han er spela inn av ei rekkje bluegrassband – som det fyrste av den sorten, Bill Monroe and The Blue Grass Boys – og, i The Andy Griffith Show, av The Dillards og Maggie Peterson. «Matty Groves» sjølv er og spela inn mange gongar; innan bluegrass m.a. av Doc Watson.

Samandrag

Kona til ein adelsmann, Lord Arlen (andre namn er Lord Daniel, Arnold, Donald og Barnard), forfører Matty Groves (eller Little Musgrave), ein tenar for ektemannen, med seg til sengs. Lord Arlen får vite om utruskapen; i somme versjonar høyrer ein pasje dei og åtvarar Lord Arlen; lorden lover han løn om han fortel sanninga -- å gjere han til arving eller la han få gifte seg med eldstedottera -- og avrette han om han lyg. Adelsmannen kjem heim, der han overraskar paret til sengs. Han drep dei ikkje med ein gong for Matty bed om å få våpen. Lord Arlen drep Matty Groves i ein duell. Då kona avviser han med forakt og seier at ho heller vil ha elskaren, sjølv om ho må døy, stikk han ho i hjartet. Balladen kan slutte der, eller med at lorden døyr, anten ved sjølvmord eller ved avretting.

Somme versjonar av balladen inneheld element av ein morgonsong, ei poetisk form der elskarane forlet kvarandre etter å ha vore natta i lag.

Innspelingar

Album/Singel	Artist	år	Variant	Merknad
John Jacob Niles Sings American Folk Songs	John Jacob Niles	1956	Little Mattie Groves
British Traditional Ballads in the Southern Mountains, Volume 2	Jean Ritchie	1960	Little Musgrave
Joan Baez in Concert	Joan Baez	1962	Matty Groves
Home Again	Doc Watson	1966
Liege & Lief	Fairport Convention	1969	Matty Groves	Fleire konsertversjonar gjeven ut sidan
Prince Heathen	Martin Carthy	1969	Little Musgrave and Lady Barnard
Ballads and Songs	Nic Jones	1970	Little Musgrave
Just Gimme Somethin' I'm Used To	Norman Blake og kona Nancy Blake	1992	Little Matty Groves
Christy Moore	Christy Moore	1976	Little Musgrave
The Woman I Loved So Well	Planxty	1980	Little Musgrave	Christy Moore, som òg spelte inn songen, var medlem av Planxty
Out Standing in a Field	The Makem Brother and Brian Sullivan	1992	Matty Groves
You Could Be the Meadow	Eden Burning	1994
	Robyn Hitchcock		Matty Groves	berre på konsert
Live at the Mineshaft Tavern	ThaMuseMeant	1995
Hepsankeikka	Tarujen Saari	2000	Kaunis neito	(på finsk)
On and On	Feler's Green	1997	Matty Groves
Never Set the Cat on Fire	Frank Hayes	1977	Like a Lamb to the Slaughter	gjort som ein parodi
Ralph Stanley	Ralph Stanley	2002	Little Mathie Grove
Sings Sandy Denny	Linde Nijland	2003	Matty Groves
Season of the Witch	The Strangelings	2007	Matty Groves
Prodigal Son	Martin Simpson	2007	Little Musgrave
The Peacemaker's Chauffeur	Jason Wilson Band	2008	Matty Groves	Reggae-arrangement med Dave Swarbrick, hovudsakleg basert på Fairport-versjonen
Foxhat Compilation	The Fox Hat!	2009	Matty Groves
Folk Songs	James Yorkston and the Big Eyes Family Players	2009	Little Musgrave
Alela & Alina	Alela Diane med Alina Hardin	2009	Matty Groves, Lord Arland
Orphans: Brawlers, Bawlers and Bastards	Tom Waits	2009	Mathie Grove
Sweet Joan	Sherwood	2010	Matty Groves	(på russisk)