Mazandaran

Mazandaran (persisk استان مازندران Ostān-e Māzandarān) er ein av 31 provinsar i Iran, langs sørkysten av Kaspihavet og like ved Alborzfjella sentralt i det nordlege Iran.^[6] Med klokka grensar han til Golestan, Semnan, Teheran, Alborz, Qazvin og Gilan. Sari er den største byen og hovudbyen i provinsen.

Mazandaran
مازندران
Provins
Land	Iran
Region	Region 1[1]
Fylke	22
Hovudstad	Sari
Areal	23 842 km²
Folketal	3 283 582 (2016)[2]
Språk	mazandarani[3], persisk[3], gilaki[4][5]
Tidssone	IRST (UTC+03:30)
•  Sommartid	IRST (UTC+04:30)
Mazandaran 36.5656°N 53.0588°E / 36.5656; 53.0588
Kart som viser Mazandaran. Kart som viser Mazandaran.
Wikimedia Commons: Mazandaran Province

Mazandaran er ein av dei tettast folkesette provinsane i Iran^[7] og har forskjellige naturressursar, særleg store olje- og naturgassreservoar.^[8] Dei fire største fylka i provinsen er Sari, Babol, Amol og Qaemshahr.^[9] Provinsen vart grunnlagd i 1937 og han vart erklært den andre moderne provinsen etter naboprovinsen Gilan.

Naturen er variert med sletter, præriar, skogar og regnskogar^[10] som strekkjer seg frå sandstrendene ved Kaspihavet til dei kuperte og snødekte Elburz,^[11] inkludert Damavand, eit av dei høgaste fjella og vulkanane i Asia.^[12]

Mazandaran er ein stor produsent av oppdrettsfisk,^[13] og akvakultur er eit viktig økonomisk bidrag til det tradisjonelle jordbruket.^[14] Ei anna viktig næring er turistindustrien og folk frå heile Iran kjem og vitjar dette området.^[15] Mazandaran er òg eit blømande senter for bioteknologi^[8] og ingeniørvitskap.

Det har budd menneske i området i minst 75 000 år.^[16][17] Nyare utgravingar i Goher Tippe synte at området har vore urbanisert i meir enn 5000 år og området vert i dag rekna som ein av dei viktigaste historiske stadane i Iran.^[18] Han har spelt ei viktig rolle i kulturell og urban utvikling i regionen.^[19]

Innfødde folk i regionen omfattar dei etniske mazanderanarane^[20] som snakkar eit iransk språk som liknar med på gilaki og sangiseri.

Klima

Topografisk kart over Mazandaran.

Kysten av Kaspihavet frå feriestaden Namak Abrood.

Det er ofte snøfall i Elburz-området, som går parallelt til sørkysten av Kaspihavet. Fjella deler provinsen i mange isolerte dalar. Provinsen har eit moderat, subtropisk klima med ein middeltemperatur på 25 °C om sommaren og kring 8 °C om vinteren. Det kan falle mykje snø i fjella om vinteren, men sjeldan ved havnivå.