Mellisuga

Mellisuga er ei biologisk slekt av fuglar i ordenen seglarfuglar (Apodiformes), i kolibrifamilien Trochilidae. Ho omfattar berre to artar som er heimehøyrande i Dei store Antillane, der dei finst på Cuba, Jamaica og Hispaniola. Dette er dei minste fugleartane i verda.

Mellisuga
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Seglarfuglar Apodiformes
Familie:	Kolibriar Trochilidae
Underfamilie:	Trochilinae
Stamme:	Mellisugini
Slekt:	Mellisuga Brisson, 1760

Det feminine slektsnamnet Mellisuga kjem frå latinsk: mel, melis, som tyder «honning», og sugere, som tyder «suge». Namnet kan altså tolkast som «honning-sugar».^[1]

Kjenneteikn

Dei to kolibriartane i denne slekta måler mellom 5 og 6 cm i lengd, og er dermed verdas minste fuglar. Nebbet er rett og matt svart. Hovud og overside hos hoene og hos dvergkolibri, M. minima, er grøne, medan undersida er kvitaktig. Hannen av bikolibri, M. helenae, har derimot eit flammeraudt hovud og hals, med ein iriserande strupekrage og lange sidefjør. Resten av overkroppen har blåaktige tonar.

Systematikk

Slekta Mellisuga vart foreslått av den franske naturforskaren Mathurin Jacques Brisson i 1760. Typearten som vart definert, var Trochilus minimus, i dag dvergkolibri på norsk.

Artsoversyn

Slekt Mellisuga i rekkjefølgje etter IOC World Bird List V15.1, 2025,^[2] med norske namn etter Norske navn på verdens fugler:^[3]

Bilete	Norsk namn	Vitskapleg namn	Autor	Utbreiing	Status[4]
	Dvergkolibri	Mellisuga minima	(Linné, 1758)		LC
	Bikolibri	Mellisuga helenae	(Lembeye, 1850)		NT