Michael Phelps

Michael Fred Phelps II (fødd 30. juni 1985 i Towson) er ein amerikansk symjar som held ei rekkje verdsrekordar i symjing. Det amerikanske tidsskriftet «Swimming World» har kåra Phelps til «World Swimmer of the Year» i åra 2003, 2004 og 2006, og «American Swimmer of the Year» i åra 2001 til 2007, unnateke 2005.

Michael Phelps
Statsborgarskap	USA
Fødd	30. juni 1985 (39 år) Baltimore
Idrett	svømming
Tok del i	Sommar-OL 2012, Sommar-OL 2008, Sommar-OL 2000, Symjing under Sommar-OL 2016, Svømming under Sommer-OL 2004 – 100 meter butterfly menn, Svømming under Sommer-OL 2004 – 200 meter butterfly menn, Svømming under Sommer-OL 2004 – 200 meter individuell medley menn, Svømming under Sommer-OL 2004 – 400 meter individuell medley menn, Svømming under Sommer-OL 2004 – 4 × 200 meter fri stafett menn, Svømming under Sommer-OL 2004 – 4 x 100 meter medley stafett menn, Svømming under Sommer-OL 2004 – 200 meter fri menn, Svømming under Sommer-OL 2004 – 4 x 100 meter fri stafett menn
Utmerkingar	Associated Press Athlete of the Year, Associated Press Athlete of the Year

Michael Phelps under 400-meter i februar 2008.

Foto: Karen Blaha

Historikk

Barne- og ungdomskarriere

Som liten vart Phelps diagnosert med Attention-Deficit Hyperactivity Disorder, eller ADHD.^[1] Han starta symjing som sjuåring for å ha noko å få ut energien på. Dessutan var båe dei to eldre systrene habile symjarar, den eine var nær å bli tatt ut til sommar-OL i Atlanta i 1996 før ei skade øydela for karrieren hennar.

Som 10-åring sette Michael Phelps nasjonal rekord for aldersgruppa han symde i. Då han var 15, hadde han alt kvalifisert han seg for sommarleikane i 2000 som fann stad i Sydney.^[2] Her var han den yngste amerikanske herresymjaren på 68 år. Sjølv om han ikkje vann, vart han nummer fem på 200 m butterfly.

I november 2004 vart Phelps teken for å ha køyrt i påverka tilstand. Han sa seg skuldig og vart dømd til 250 dollar i bot og 18 månaders samfunnsteneste der han måtte tale for studentar på high school om faren ved å køyre påverka av rus, pluss at han måtte ta del på eit møte hjå Mothers Against Drunk Driving ('mødre mot fyllekøyring').^[3][4] Då han seinare den månaden var gjest i det amerikanske fjernsynsprogrammet The Today Show sa Phelps at det heile var ein eingongstilfelle og at han hadde skuffa både seg sjølv og familien, jamvel mange amerikanarar.

Dei olympiske sommarleikane i Aten 2004

I Sommar-OL i Aten i 2004 vann Phelps åtte medaljar, seks var gull og to bronse.^[5] Dette er like mange medaljar i eit OL som sovjetiske Aleksander Ditiatin fekk under dei olympiske sommarleikane i Moskva i 1980.^[6]

Stil	Resultat	Tid
400 m individuell medley	Gullmedalje, ny verdsrekord	4:08.26[7]
100 m butterfly	Gullmedalje, olympisk rekord	51.25[8]
200 m fri	Bronsemedalje, amerikansk rekord	1:45.32[9]
200 m butterfly	Gullmedalje, olympisk rekord	1:54.04[10]
200 m individuell medley	Gullmedalje, olympisk rekord	1:57.14[11]
4 × 100 m fri stafett	Bronsemedalje	3:14.62[12]
4 × 200 m fri stafett	Gullmedalje, amerikansk rekord	7:07.33[13]
4 × 100 m medley stafett	Gullmedalje, ny verdsrekord	3:30.68[14]

Dei olympiske sommarleikane i Beijing 2008

President George W. Bush (t.v.) veivar med det amerikanske flagget, under medaljeutdelinga for 400 meter individuell medley i Beijing.

Phelps kvalifiserte seg for åtte symjetevlingar under sommar-OL i Beijing.^[15]

Dato (i Beijing)	Stil	Resultat	Tid
10. august	400 m individuell medley	Gullmedalje, ny verdsrekord	4:03.84[16]
11. august	4 × 100 m fri stafett	Gullmedalje, ny verdsrekord	3:08.24[17]
12. august	200 m fri	Gullmedalje, ny verdsrekord	1:42.96[18]
13. august	200 m butterfly	Gullmedalje, ny verdsrekord	1:52.03[19]
13. august	4 × 200 m fri stafett	Gullmedalje, ny verdsrekord	6:58.56[20]
15. august	200 m individuell medley	Gullmedalje, ny verdsrekord	1:54.23[21]
16. august	100 m butterfly	Gullmedalje, olympisk rekord	50:58.[22]
17. august	4 × 100 m medley stafett	Gullmedalje, ny verdsrekord	3:29:34[23]

Phelps vann åtte gullmedaljar i Beijing, der sju av dei har vore verdsrekordar og ein olympisk rekord. Dermed ligg han framfor Mark Spitz om flest gullmedaljar frå eitt og same OL. Med 14 olympiske gull til saman, har Phelps skrive seg inn i idrettshistoria som den utøvaren med flest olympiske gullmedaljar til saman.^[24]

Olympiske medaljar

Sommar-OL 2004

USA

Gull på 100 meter butterfly

Gull på 200 meter butterfly

Gull på 200 meter individuell medley

Gull på 400 meter individuell medley

Gull på 4 × 200 meter fri stafett

Gull på 4 × 100 meter medley stafett

Bronse på 100 meter fri

Bronse på 4 × 100 meter fri stafett

Sommar-OL 2008

USA

Gull på 100 meter butterfly

Gull på 200 meter butterfly

Gull på 200 meter fri

Gull på 200 meter individuell medley

Gull på 400 meter individuell medley

Gull på 4 × 100 meter fri stafett

Gull på 4 × 200 meter fri stafett

Gull på 4 × 100 meter medley stafett

Sommar-OL 2012

USA

Gull på 100 meter butterfly

Gull på 200 meter individuell medley

Gull på 4 × 200 meter fri stafett

Gull på 4 × 100 meter medley stafett

Sølv på 200 meter butterfly

Sølv på 4 × 100 meter fri stafett