Midland Oak

Midland Oak eller The Central Oak er eit eiketre i Leamington Spa i Warwickshire i England, nær grensa til Lillington. Det skal markera det geografiske midtpunktet av England, sjølv om det same blir hevda om fleire andre stader i landsdelen Midlands. ^[1]

Det gamle eiketreet kjend som Midlands Oak som blei felt i 1967.

Minneplaketten for det opphavlege treet.

Midland Oak
Midland Oak i dag.
Land	Storbritannia
Midland Oak 52.3001°N 1.52975°W / 52.3001; -1.52975

Det opphavlege eiketreet er merka av på kart frå 1711. Dette treet voks midt i vegen, i vegkrysset mellom Lillington Road og Lillington Avenue. Det blei felt i 1967 etter at ei stor grein hadde falle ned på fortauet.^[2]

I februar 1988 blei det planta ei ny Midland Oak ved sida av vegen. Ein minnesplakett for det opphavlege treet blei avduka i april same år.^[2] Treet var blitt dyrka fram frå ei nøtt frå det gamle.^[3] Det nye treet fekk nøtter for første gong i 1993, og desse blei deretter samla og sådde. Fleire av trea som voks opp blei planta i nærleiken og lengre unna.^[2]

Dette treet overlevde omfattande landskapsarbeid i 2002 då ein opna opp ein underjordisk bekk, Bins Brook, og laga flaumvern for husa i nærleiken.^[4]