Milhsjøen

Milhsjøen (بحيرة ملح, Bahr al-Milh, tyder «Saltsjøen»), òg kjend som Razzazasjøen, er ein innsjø nokre kilometer vest for Karbala i Irak. Milhsjøen ligg i ei senking i terrenget der overskotsvatn frå Habbaniyahsjøen, som kjem frå Eufrat, vert leia gjennom ein kontrollert kanal. Insjøen er oppført som eit internasjonalt viktig våtmarksområde.^[1] Innsjøen er heller grunn og vassnivået endrar seg med årstidene. På grunn av salt og det skiftande vassnivået, har denne største ferskvassjøen i Irak mista mykje av fiske som fanst her og berre nokre få fritidsstader finst att kring innsjøen.^[1][2]

Milhsjøen
saltsjø
Frå verdsrommet i juni 1996
Land	Irak
Guvernement	Karbala guvernement
Tilsig	Kanal frå Habbaniyahsjøen som kjem frå Eufrat
Utløp	Eufrat
Koordinatar	32°45′N 43°38′E
Areal	156 km²
Milhsjøen 32.768333333333°N 43.606388888889°E / 32.768333333333; 43.606388888889
Kart som viser Milhsjøen. Kart som viser Milhsjøen.
Wikimedia Commons: Lake Milh

Geograi

Eit nyare satellittbilete av Milhsjøen i 2010, teken av World Wind-prosjektet.

Innsjøen dekkjer 156 kvadratkilometer og er omgjeve av ørkenområde, med nokre få, låge åsar langs kysten. Innjøen og området rundt ligg i ei høgd på 28 til 56 meter over havet. Vestsida av dalen som innsjøen ligg i er dekt av tjukke skogar, utanom frukthagar. I aust og sør er terrenget flatt og består av ørken. Slamflater er vanleg langs innsjøen..^[1]

Dei geologiske formasjonane i og kring innsjøen består av mergel, silstein, gips og kalkstein, men hovudsakleg silt.^[1]

Innsjøen ligg 95 km sørvest for Bagdad,^[1] og 10 km vest for Karbala i Karbala guvernement.^[3]

Historie

Innsjøen vart fylt midt på 1970-talet, nedanfor Haur Al Habbaniya for å kontrollere flaumnivået i Eufrat.^[1][4] Lokale innbyggjarar sa at vassdjupna i innsjøen vart redusert med kring 5 til 10 meter sidan 1993, under regimet til Saddam Hussein. Dette kom hovudsakleg av at for lite vatn vart avleidd frå Habbaniyasjøen, der hovudføremålet er vatning.^[1] Omleiinga av vatnet er blitt avgrensa til berre éin dag kva 15. dag. Dette har òg påverka fiske i innsjøen, som tidlegare kunne utnyttast året rundt.