Milton Obote

Milton Obote (28. desember 1924–10. oktober 2005) var ein ugandisk politikar som var statsminister i landet 1962–1966 og president 1966–1971 og dessutan 1980–1985.

Milton Obote
Statsborgarskap	Uganda
Fødd	28. desember 1925 Apac, Uganda
Død	10. oktober 2005 (79 år) Johannesburg
Yrke	politikar
Språk	engelsk
Politisk parti	Uganda People's Congress
Ektefelle	Miria Obote
Milton Obote på Commons

Obote var fødd i Akokoro i Lango-distriktet i Uganda. Han tilhøyrde langofolket.

Milton Obote vart den fyrste statsministeren i det sjølvstendige Uganda i 1962. I 1966 avsette han presidenten og kongen av Buganda, Edward Mutesa II, og utropte seg sjølv til president med sterk presidentmakt. 25. januar 1971 vart Obote avsett i eit statskupp leidd av Idi Amin.

Etter at Tanzania og ugandiske opprørarar styrta det blodige styret til Amin i april 1979, kom Obote tilbake til makta. Styret hans i perioden 1980–1985 var prega av ein blodig borgarkrig med store sivile tap.

I 1985 vart Obote avsett av militære leiarar i hans eigen hær, Tito Okello og Bazilio Olara-Okello. Obote levde deretter i eksil i Zambia resten av livet. Han døydde på sjukehus i Sør-Afrika, nesten 81 år gammal.

Kjelder

• Denne artikkelen bygger på «Milton Obote» frå Wikipedia på bokmål, den 14. oktober 2018.

Bakgrunnsstoff

• Obote Series – a series of articles and interviews published in The Monitor
• Amnesty International report on Uganda.
• UPC official Website