Molat

Molat er ei øy i Adriahavet ved kysten av Kroatia. Ho ligg nær Zadar, søraust for øya Ist. Mellom desse øyane ligg sundet Zapundel.

Molat
Satellittbilete av Molat.
Geografi
Stad	Adriahavet
Koordinatar	44.231° N 14.841° E
Areal	22,82 km²
Administrasjon
Land	Kroatia
Fylke Kommune	Zadar Zadar
Demografi
Folketal	190 (2021[1])

Administrativt høyrer Molat til kommunen Zadar i Zadar fylke.^[2][3] Ho har eit areal på 22,82 km²^[4] og eit folketal på 190 (2021).^[1]

Større busetnadar (Molat, Zapuntel og Brgulje) ligg i indre område av øya, og mindre grender ligg langs sjøen. Hovudnæringane på øya er jordbruk, saueavl, fiske og turisme.^[5]

Den nordaustlege kysten er stort sett låg med mange viker, medan sørvestkysten er brattare. Øya er stort kledd av ung skog og kratt.

I 1151 vart øya ein del av benediktinarklosteret St. Krševan. Frå 1409 var øya under styret til Republikken Venezia, som leigde øya ut til fleire familiar frå Zadar. Frå 1941 til 1943 var øya ein italiensk konsentrasjonsleir.

Folketal

Folketalet i busetnadene på øya ved dei siste folketeljingane var:

	Folketal 2001[6]	Folketal 2011[7]	Folketal 2021[1]
Molat	96	107	85
Brgulje	53	48	63
Zapuntel	58	42	42
Øya Molat	207	197	190