Monolith Soft

Monolith Software Inc.^[a], drive under namnet Monolith Soft, er eit japansk utviklarstudio av dataspel opphavleg eigd av Namco (seinare Bandai Namco) fram til det vart kjøpt opp av Nintendo i 2007. Selskapet vart grunnlagt i 1999 av Tetsuya Takahashi med stønad frå og i samarbeid med Masaya Nakamura, grunnleggjaren av Namco. Det første prosjektet deira var Xenosaga-serien, ein spirituell oppfølgjar til det Square-utvikla Xenogears. Fleire tilsette frå Square ville slutta seg til Takahashi i Monolith Soft inkludert Hirohide Sugiura og Yasuyuki Honne.

Monolith Soft
Org.form	Kabushiki kaisha
Bransje	Dataspelindustrien
Skipa	1. oktober 1999
Eigar	Nintendo
Morselskap	Nintendo
Hovudkontor	Tokyo
Land	Japan
Produkt	Xenosaga
Grunnleggjar(ar)	Tetsuya Takahashi
Nettstad	https://www.monolithsoft.co.jp/ (japansk)

I tillegg til Xenosaga-serien, har Monolith Soft arbeidd på andre prosjekt som Baten Kaitos og Namco × Capcom, forløparen til serien Project X Zone, i tillegg til å hjelpa til med andre prosjekt hjå andre utviklarar. Per 2019 driv Monolith Soft fire studio. Hovudstudioet ligg i Meguro i Tokyo og produserer spel knytte til merkevarene eigd av selskapet sjølv, sekundærstudioa Nakameguro GS og Osaki Studio ligg òg i Tokyo, og eit studio ligg i Kyoto som fungerer som ein assisterande utviklar for spel både frå Monolith Soft og Nintendo.

Merknader

1. Japansk 株式会社モノリスソフト (Hepburn Kabushiki gaisha Monorisu Sofuto)

Kjelder

• Denne artikkelen bygger på «Monolith Soft» frå Wikipedia på engelsk, den 8. februar 2022.

Bakgrunnsstoff

• Offisiell nettstad