Monte Darwin

Monte Darwin er eit av dei høgste fjella i Eldlandet. Den nær 2 500 meter høge fjelltoppen ligg i den chilenske delen av Storøya i Eldlandet. Monte Darwin ligg i fjellkjeda Cordillera Darwin på nordsida av Beagle-kanalen. Fjellet er dekt av isbrear, særleg sørsida har store brear. Berggrunnen er kristallinsk glimmerskifer.

Monte Darwin
fjell
Land	Chile
Fjellkjede	Cordillera Darwin
Høgd	2 488 moh.
Koordinatar	54°45′S 69°29′W
Førstestiging	Eric Shipton
•  dato	Februar 1962
Monte Darwin 54.75°S 69.483333333333°W / -54.75; -69.483333333333
Kart som viser Monte Darwin. Kart som viser Monte Darwin.
Wikimedia Commons: Mount Darwin (Andes)

Sommaren 1962 kleiv briten Eric Shipton til topps saman med tre chilenarar; Eduardo Garcia, Federico Vivanco og Cedomir Marangunic. Beste tida for ein topptur er sommarstida frå midten av desember til ut mars.

Fjellet fekk namnet sitt under den andre ekspedisjonen med HMS Beagle. Kaptein Robert FitzRoy gav det namnet Mount Darwin, i høve ekspedisjonsmedlemen Charles Darwin sin 25-årsdag, 12. februar 1834.

Mount Darwin ligg i Alberto de Agostini nasjonalpark.

Kjelder

• Denne artikkelen bygger på «Monte Darwin» frå Wikipedia på tysk, den 14. juni 2012.