Mozambique av Bob Dylan

«Mozambique» er ein song skriven av Bob Dylan og Jacques Levy og gjeven ut i 1976 på albumet Desire. Han vart òg gjeven ut på singel og nådde 54. plassen på Billboard Hot 100.

Mozambique Singel av Bob Dylan frå albumet Desire
B-side	Oh, Sister
Utgjeve	17. februar 1976
Innspelt	30. juli 1975
Studio	Columbia Studios i New York City
Sjanger	Folkrock
Lengd	3:00
Selskap	Columbia
Låtskrivar(ar)	Bob Dylan, Jacques Levy
Produsent	Don DeVito
Bob Dylan-kronologi
«Hurricane» (1975)	Mozambique	«Rita May» (1976)

Bakgrunn

Då songen kom ut hadde landet Mosambikk nettopp kome ut av ein ti år lang krig mot Portugal som førte til at Mosambikk fekk sjølvstende.^[1][2] Mosambikk vart sjølvstendig den 25. juni 1975, berre ein månad før songen vart spelt inn.^[3] Som følgje av dette såg somme støttespelarar songen som støtte til det nye landet.^[1] Teksten i songen støttar derimot ikkje ei slik tolking, og omtalar berre landet som ein stad for ein romantisk ferie i sola, utanom ein liten referanse til «folket som lever fritt».^[1] Dette mora fansen til Dylan som forstod satiren.^[2]

Eit konsertopptak av songen vart sendt på fjernsynsutgåva av Hard Rain, men kom ikkje med på albumet.^[1]