Murstein

Murstein er klossar brukt til murverk i bygningar og konstruksjonar. Omgrepet kan visa til klossar av ulike material, som tegl, betong, lettbetong, glas, kalksandstein og naturstein. I daglegtale omtalar ein ofte teglstein som murstein.^[1]

Lasting av murstein ved ein fabrikk i Tel Aviv i 1946.

Mursteinar er som oftast rektangulært forma. Dei vanlegaste storleikane er teglsteinsformat (handtering med ei hand) og blokkformat (handtering med begge hender).^[1] Standardformatet for norsk tegl sidan omkring 1840 har vore 108mm x 228mm x 62mm.^{[treng kjelde]}