Nairobi

Nairobi er hovudstad og største by i Kenya. Nairobi er òg administrativt senter i Nairobi provins og i distriktet Nairobi. Byen ligg ved Nairobielva, sør i landet i ei høgd på 1 661 meter over havet. Namnet kjem frå Maasai, Ewaso Nyirobi, og tyder «kaldt vatn».

Nairobi
hovudstad
Land	Kenya
Provins	Nairobi provins
Høgd	1 661 m
Areal	696 km²
Folketal	5 545 000 (2016)[1]
Grunnlagd	1899
Tidssone	EAT
Nairobi 1.2863888888889°S 36.817222222222°E / -1.2863888888889; 36.817222222222
Kart som viser Nairobi. Kart som viser Nairobi.
Wikimedia Commons: Nairobi

Byen er ein av dei viktigaste i Afrika både politisk og økonomisk. Han er eit senter for forretningar og kultur og mange selskap og organisasjonar held til der.

Demografi

Nairobi er den mest folkerike byen i Aust-Afrika og storbyområdet har mellom 3 og 5 millionar innbyggjarar. I følgje ei folketeljing i 1999 har det administrative området i Nairobi 2 143 254 innbyggjarar fordelt på 684 km².^[2] I 2002 var Nairobi den 12. største byen i Afrika.

Historie

Nairobi vart grunnlagd i 1899, som ein etterforsyningsstasjon for den ugandiske jarnbanen mellom Mombasa og Uganda, og overtok rolla som hovudstad etter Mombasa i 1905. Han vart ombygd tidleg på 1900-talet etter eit pestutbrot og ein større bybrann. Nairobi vart hovudstad i Britisk Aust-Afrika i 1907 og kenyansk hovudstad etter sjølvstendet i 1963.