Nancy

Nancy (tysk dialekt Nanzig; luxembourgsk Nanzeg) er ein by nordaust i Frankrike og prefecture (hovudstad) i departementet Meurthe-et-Moselle i regionen Grand Est.

For andre tydingar av oppslagsordet, sjå namnet Nancy.

Nancy
Horisonten til Nancy
Styresmakter
Land Region Departement	Frankrike Grand Est Meurthe-et-Moselle
Grunnlagd	Rundt 1050
Geografi
Flatevidd	15,01 km²
Flatevidd  - By	15,01 km²
Innbyggjarar  - By (2005)    - folketettleik  - Storbyområde	105 400   6 902/km² 410 509 (1999)
Koordinatar	48°41′36″N 06°11′04″E
Høgd over havet	212 m
Tidssone	CET (UTC+1)
Diverse anna
Heimeside: www.nancy.fr

Byen har i overkant av 100 000 innbyggjarar, men i 1999 hadde storbyområdet etter ei folketeljing 410 509 innbyggjarar.

Historie

Dei tidlegaste spora etter busetnadar i området går tilbake til 800 fvt. Her var lett tilgang til jernmalm og ein vadestad i elva Meurthe, noko som sannsynlegvis var årsaka til at folk busette seg her. Ein liten festningsby kalla Nanciacum (Nancy) vart bygd av hertug Gérard rundt 1050.

Place Stanislas i Nancy

Nancy vart plyndra av keisar Frederik II av Det tysk-romerske riket på 1200-talet, og vart så bygd opp att i stein dei neste hundreåra då han vart ein viktigare by som hovudstad i Hertugdøme Lorraine. Karl den modige leid nederlag og var drepen i Slaget ved Nancy i 1477.

Då hertug Stanislas døydde i 1766, vart hertugdømet ein fransk provins og Nancy haldt fram med å vere hovudstaden. Då regionen Lorraine vart oppretta på midten av 1900-talet vart Metz vald som hovudstad i staden for Nancy.

Attraksjonar

Place Stanislas, Place de la Carrière og Place d'Alliance vart lagt til UNESCO si verdsarvliste i 1983.

Bakgrunnsstoff

Commons har multimedium som gjeld: Nancy

• Offisiell turistside
• Bilete av Nancy
• Place Stanislas Nancy
• Place Stanislas - webkamera Arkivert 2007-10-12 ved Wayback Machine.