Narkval

Narkval (Monodon monoceros) er ein tannkval i narkvalfamilien. Narkvalen er kjend for den lange og spydliknande spiralsnodde, framoverretta støyttanna (eigenleg den eine hjørnetanna) som hanndyra har.

Narkval ved nordlege Franz Josefs land i juni 2019

Narkval
Narkval
Utbreiing og status
Status i verda: Livskraftig Status i Noreg: Sårbar[1] Utbreiinga av narkval
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Pattedyr Mammalia
Orden:	Klauvdyr Artiodactyla
Familie:	Narkvalfamilien Monodontidae
Slekt:	Monodon
Art:	Narkval M. monoceros
Vitskapleg namn
Monodon monoceros Linnaeus, 1758

Narkvalen lever i arktiske farvatn, hovudsakleg frå Canada austover til austlege delar av Sibir, og vert jamleg observert i nordaustlege Svalbard.^[2] Den totale bestanden av reproduserande dyr er ca. 123 000 dyr. Det vert driven fangst på narkval av inuittar i Canada og på Grønland.^[3]

Namnet «narkval» kjem frå norrønt náhvalr, som tyder 'likkval'.^[4] Den lange, spiralsnodde støyttanna vart i mellomalderen likna med hornet i panna på det fabeldyret som vart kalla einhyrning, og ofte selt til uvitande som einhyrningshorn.