Nawa i Syria

Nawa (arabisk نوى) er ein by i Syria som administrativt høyrer til Daraa guvernement. Han ligg 568 meter over havet og hadde i 2007 eit folketal på 59 170 i 2007, noko som gjer han til den 28. største byen i Syria.

Nawa
نوى
by
Land	Syria
Guvernement	Daraa guvernement
Distrikt	Izra-distriktet
Nahiyah	Nawa
Høgd	563 moh.
Koordinatar	32°53′20″N 36°02′35″E
Folketal	59 170  (2007)
Nawa i Syria 32.883333333333°N 36.05°E / 32.883333333333; 36.05
Kart som viser Nawa i Syria. Kart som viser Nawa i Syria.

I antikken høyrte byen Neve til den romerske provinsen Arabia Petraea.^[1]

Historie

Nawa er definert som byen som Job budde i og gravstaden til Sem, sonen til Noa.^[2]I følgje den arabiske geografen al-Muqaddasi er byen omtalt av Georg av Kypros («Descriptio orbis romani», ed. Heinrich Gelzer, 54) på 600-talet, og Revue biblique (III, publisert 625).^[1] Under det islamske kalifatet Rashidun, umayyadane, og abbasidane, var han ein del av Jund Dimashq og hovudbyen i Hauran. Al-Mas'udi skreiv i 943 at ein moske tileigna Job låg 5 km frå Nawa.^[3] På 1200-talet vart byen mindre viktig og Yaqut al-Hamawi skreiv i 1225 at Nawa var «ein liten by i Hauran», tidlegare hovudstad i regionen. Han skreiv òg at grava til Job låg der.^[4][5] I 1277 vart imam Yahya ibn Sharaf al-Nawawi, ein viktig muslimsk lærd, fødd i byen.^[6]

I 1596 stod Nawa oppført i osmanske skattelister som Nawi og var ein del av Jaydur nahiya i Hauran qada. Han hadde ein heilt muslimsk folkesetnad som bestod av 102 hushaldningar og 43 ungkarar. Skattane vart betalte for kveite, bygg, sommaravlingar, geiter og/eller bikubar.^[7]

Kyrkjehistorie

Bispedømet Neve (Nawa) var eit underbispedøme under Bostra, metropolittsetet Arabia Petraea. To av biskopane er kjende:

• Petronius, som deltok på konsilet i Efesos i 431;
• Jobius, som deltok på kyrkjemøtet i Kalkedon i 451.^[1]

Isak, nemnt av Le Quien som ein tredje biskop, kring 540 (Oriens christiana, II, 864).