Necmettin Erbakan

Necmettin Erbakan (fødd 29. oktober 1926 i Sinop, død 27. februar 2011) var ein tyrkisk ingeniør, akademikar og politikar som i ein kort periode òg var statsministar i Tyrkia.

Necmettin Erbakan
Fødd	29. oktober 1926 Sinop
Død	27. februar 2011 (84 år)
Statsborgar av	Tyrkia
Religion	sunniislam
Yrke	politikar, ingeniør, universitetslærar
Institusjonar	Istanbul Tekniske Universitet
Utdanna ved	Istanbul Tekniske Universitet RWTH Aachen University of London King Saud University Istanbul High School ITU Faculty of Mechanical Engineering
Ektefelle	Nermin Erbakan
Barn	Fatih Erbakan
Alle verv	medlem av Tyrkias store nasjonalforsamling Tyrkias statsminister (1996–1997) Leader of the Felicity Party (2010–2011)

Erbakan danna sitt første politiske parti i 1970, dette blei forbode etter berre eit år.^[1] Han danna etter dette eit nytt parti men i kjølvatnet av militærkuppet i 1980 vart Erbakan og partiet hans utestengd frå den tyrkiske politikken.^[1] Han kom att etter en folkerøysting om å oppheve forbodet mot politisk verksemd, og i 1987 vart han leiar for det politiske partiet Refah Partisi. Han leia partiet til ein overraskende siger ved valet i 1995.

Erbakan vart Tyrkias første islamistiske statsminister og vart innsett i 1996.^[1] I 1997 vart han pressa ut av dei militære og tvinga til å gå av som statsminister.^[1] Seinare vart han utestengt frå all politisk verksemd av den konstitusjonelle domstolen.^[2] I 2000 ble han dømd til eit års fengsel for å ha «framprovosert religiøst hat» gjennom ein tale han heldt i 1994.^[2]