Nesseby kyrkje

Nesseby kyrkje er ei langkyrkje frå 1858 i Nesseby kommune i Finnmark. Byggverket er i tre og er bygd med 250 plassar.^[1] Arkitekt for kyrkja var Christian Heinrich Grosch.

Nesseby kyrkje ligg på eit nes i indre del av Varangerfjorden.

Foto: Henri Bergius

Nesseby kyrkje
kyrkje
Land	Noreg
Fylke	Finnmark
Kommune	Nesseby
Kyrkjesamfunn	Den norske kyrkja
Bispedøme	Nord-Hålogaland
Prosti	Indre Finnmark
Sokn	Nesseby
Fellesråd	Nesseby
Type	Langkyrkje
Arkitekt	Christian Heinrich Grosch
Material	Tre
Innvigd	1858
Kyrkjegard	Ved kyrkja
Sitjeplassar	250
Nesseby kyrkje 70.1449°N 28.8606°E / 70.1449; 28.8606
Wikimedia Commons: Nesseby kirke

Dette er den andre kyrkja på staden, den fyrste var gamle Kiberg kyrkje som blei flytta til Nesseby i 1746. Denne kyrkja blei rive da noverande kyrkje vart reist.

Kyrkja blei ståande uskada under nedbrenninga av Finnmark og Nord-Troms under andre verdskrigen.

Delar av inventaret er gåver til kyrkja gjevne på 1600-1700 talet og noko er frå andre kyrkjer. Altartavla er i barokk og frå gamle Kiberg kyrkje. I midtpartiet er det måla ei framstilling av nattverden og ho er omkransa av to store utskorne figurar. Altartavla er frå rundt 1720 og laga av bilethoggaren Georg Christoffer Schauer.^[2]