Neufchâteau

Neufchâteau er ein by og kommune nordaust i Frankrike. Han er sous-préfecture (underprefektur) i departementet Vosges i regionen Grand Est, og har om lag 7 500 innbyggjarar.

Neufchâteau
Byvåpen
Land Region Departement	Frankrike Grand Est Vosges
Flatevidd	31,94 km²
Flatevidd  - By	23,81 km²
Innbyggjarar  • By (1999)    - folketettleik	7 533   316/km²
Koordinatar	48°21′N 05°42′E
Høgd	289 m
Tidssone	CET (UTC+1)
Postnummer	88300
Nettstad: www.ville-epinal.fr

Neufchâteau ligg der elvane Maas og Mouzon renn i hop.

Historie

Neufchâteau er ein av dei eldste byane Lorraine. I romartida låg kjøpstaden Noviomagus her langs vegen mellom Lyon og Trier. Dietrich II, hertug av Lorraine bygde eit slott her på 1000-talet. I 1094 var byen kalla Novum Castrum.

Neufchâteau vart ofte vald som møtestad når ein skulle løyse konfliktar mellom Frankrike og Lorraine. Det var her hertuginne Christine samla États généraux i 1546. I 1436 vart byen gjeve bort til Burgund i byte mot at hertug René I av Anjou skulle sleppast fri. Kardinal Richelieu reiv ned bymurane på 1600-talet.

Med den franske revolusjonen vart Neufchâteau (under namnet Mouzon-Meuse) underprefektur i Vosges.