Newbrough

Newbrough er ein landsby i Northumberland i England, ved nordbreidda av elva South Tyne rundt 5 mile (8 km) nordvest for Hexham.

Newbrough
busetnad
Land	England
Fylke	Northumberland
Kommune	Warden parish
Folketal	592 (2021)[1]
Newbrough 55.0055°N 2.1985°W / 55.0055; -2.1985
Wikimedia Commons: Newbrough

Historie

Newbrough Town Hall

Newbrough er staden for nokre av dei mange romerske festningane langs den opphavlege nordlege grensa til den romerske Stanegate-vegen som blei bygd i år 71. Kyrkja i Newbrough, St Peter's Church, er bygd på staden til ein av festningane.^[2][3][4]

Newbrough var i eldre tid del av Manor of Thornton. Eit bustadtårn (tower house) kjent som Thornton Tower blei rapportert på staden, men blei sagt å vera i forfall i 1541. Bygningen er no heilt i ruinar, men er verna med Grade II.

Newbrough Hall er eit herskapshus frå tidleg 1800-tal. Det er verna som Grade II*.

Newbrough Town Hall er rekna som ein av dei flottaste i Tynedale. Rådhuset stod ferdig i 1878, og blei omvølt i 1998.^[3]

Women's Institute-bygningen, tidlegare Mechanics Institute, blei bygd i 1854 og er verna som Grade II. I 1948 blei han gjeven til Newbrough Women's Institute (WI), som var blitt skipa i 1923.^[5][6] I 2000 gav WI bygningen til Town Hall. Foreininga har no møte i Town Hall, noko ho også gjorde før 1948.^[7]

Ei mile nord for landsbyen ligg ein bekk kalla Meggie's Dene. Dette skal vera staden ei heks på 1500-talet kalla Old Meg blei gravlagd.^[8]

Landsbyen har ein barneskule, Newbrough CE First School, Han er tilknytt Church of England.^[9]