Nils Astrup

Nils Astrup (11. november 1778–26. september 1835) var ein norsk embetsmann og stortingsmann.

Sjå òg biskopen Nils Astrup.

Nils Astrup
Statsborgarskap	Noreg
Fødd	11. november 1778 Ørskog kommune
Død	26. september 1835 (56 år) Christiania
Yrke	politikar
Språk	norsk
Far	Nicolai Astrup

Astrup var son til Nicolai Astrup (1748-1802) og Kristine Margrethe Abelseth (død 1830). Han vart gift i 1815 med Ingeborg Ross Møller (1788-1846).^[1] Nils Astrup er farfar til misjonsbiskopen Nils Astrup og oldefar til kunstmålaren Nikolai Astrup.

Astrup var fødd i Ørskog på Sunnmøre, der faren var kapellan og prest (og før han var farfaren Niels Astrup (1717-1792) sokneprest og prost). Sjølv var han fut i Råbyggelaget frå 1816, og budde då i Herefoss. Frå 1822 var han fut i Solør og Odalen, og budde i Grue.

Astrup var 2. representant frå Nedenes og Råbyggelaget på Stortinget 1821 og det overordentlege storting 1822. I 1821 var han visesekretær i Stortinget og sekretær i seks av dei åtte komiteane han var medlem av. 1822 visesekretær i Odelstinget.

Nils Astrup døydde på rikshospitalet i Kristiania i 1835.