Nina Grieg

Nina Hagerup Grieg (24. november 1845–9. desember 1935) var ein norsk sopran, kjend som ektemaken til Edvard Grieg.

Nina Grieg
Statsborgarskap	Noreg
Fødd	24. november 1845 Bergen
Død	9. desember 1935 (90 år) København
Yrke	songar, akademisk musiker, pianist, komponist
Språk	norsk
Far	Herman Didrik Hagerup
Mor	Luise Adeline Werligh
Ektefelle	Edvard Grieg
Nina Grieg på Commons

Nina Grieg var fødd i Bergen. Ho var kusina til Edvard Grieg, og dei to gifta seg 11. juni 1867 i København.^[1] Ekteparet opptredde ofte saman på konsertar i Europa, og fekk svært gode kritikkar. Nina Grieg blei dessutan anerkjend som ein svært sensitiv tolkar av mannen sine songar. Den engelske komponisten Frederick Delius dediserte to sett med songar til ho i åra 1888–1890.

Stemma til Nina Grieg er bevart på to vaksruller med særs dårleg teknisk kvalitet, innspelingane er gjevne ut på platemerket Simax.

Etter at Edvard Grieg døydde i 1907 busette Nina Grieg seg i Danmark.

Galleri

• 
  Signert kabinettkort av Nina Grieg

  Foto: Benque, Paris/Nasjonalbiblioteket
• 
  Musikkforleggjaren Max Abraham, Nina Grieg, Oscar Meyer og Edvard Grieg omkring 1889
• 
  Nina og Edvard Grieg i kunstnarheimen Troldhaugen i Bergen 1907

  Foto: Jacobsen, Bergen/Bergen folkebibliotek
• 
  Oska etter ekteparet Grieg ligg i ei grav i fjellet nede ved stranda på Troldhaugen.