Nisaetus

Nisaetus er ei biologisk slekt av skogørner i haukefamilien, underfamilien Aquilinae, som hovudsakleg finst i tropisk Asia, frå Nepal og India til Japan og dei små Sundaøyane. Dette er slanke, mellomstore haukefuglar med avrunda venger, lange fjørkledde bein, tverrstripa venger, fjørtopp på hovudet og vanlegvis tilpassa eit liv i skogshabitat.

Nisaetus
Dvergskogørn, Nisaetus nanus i Sabah, nordaustre Borneo Foto: Bernard Dupont
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Overorden:	Neoaves
Orden:	Haukefuglar Accipitriformes
Familie:	Haukefamilien Accipitridae
Slekt:	Nisaetus Hodgson, 1836

Floresskogørn, Nisaetus floris, har ein minkande populasjon grunna forfølging og habitatstap, og har færre enn 200 individ som lever på dei små Sundaøyane inkludert øya Flores. Arten er derfor kategorisert som kritisk truga (CR).^[1] Tre andre artar er sterkt truga (EN) og ein er sårbar (VU).

Artsliste

Nisaetus i rekkjefølgje etter IOC World Bird List V14.1, 2024, ^[2] med norske artsnamn etter Norske navn på verdens fugler.^[3]

Slekt Nisaetus, 10 artar skogørner:

• Keralaskogørn, Nisaetus kelaarti, Legge's Hawk-Eagle, (Legge, 1878)
• Dvergskogørn, Nisaetus nanus, Wallace's Hawk-Eagle, (Wallace, 1868), (VU)
• Fjellskogørn, Nisaetus nipalensis, Mountain Hawk-Eagle, Hodgson, 1836, (NT)
• Malayskogørn, Nisaetus alboniger, Blyth's Hawk-Eagle, Blyth, 1845, (LC)
• Javaskogørn, Nisaetus bartelsi, Javan Hawk-Eagle, (Stresemann, 1924), (EN)
• Sulawesiskogørn, Nisaetus lanceolatus, Sulawesi Hawk-Eagle, (Temminck & Schlegel, 1845), (LC)
• Mindanaoskogørn, Nisaetus pinskeri, Pinsker's Hawk-Eagle, (Preleuthner & Gamauf, 1998), (EN)
• Filippinarskogørn, Nisaetus philippensis, Philippine Hawk-Eagle, (Gould, 1863), (EN)
• Vekselskogørn, Nisaetus cirrhatus, Changeable Hawk-Eagle, (Gmelin, JF, 1788), (LC)
• Floresskogørn, Nisaetus floris, Flores Hawk-Eagle, (Hartert, EJO, 1898), (CR)