North Channel

North Channel (skotsk gælisk og irsk Sruth na Maoile, på skotsk gælisk også Sheuch^[1]) er eit sund mellom Nord-Irland og Skottland. Sundet går mellom Irskesjøen i sør og Atlanterhavet i nord.^[2]

North Channel
sund
Land	Storbritannia
North Channel 55.0575°N 5.62194°W / 55.0575; -5.62194
Kart over Irskesjøen. North Channel ligg nord for Irskejøen, medan St. George's Channel ligg i sør. Kart over Irskesjøen. North Channel ligg nord for Irskejøen, medan St. George's Channel ligg i sør.
Wikimedia Commons: North Channel

Sundet byrjar nord for Isle of Man og går inn i Atlanterhavet mot nordvest.^[3] Firth of Clyde går over til sundet mellom sørtippen av halvøya Kintyre og Corsewall Point ved Rhins of Galloway.^[4] Den djupaste delen av sundet vert kalla Beaufort's Dyke, med ei maksimaldjupne på 312 meter (1 024 ft).^[5] Mange ferjesamband kryssar sundet. I 1953 var sundet åstad for eit alvorleg skipsforlis då ferja «Princess Victoria» sokk.

Det har lenge vore snakk om å byggje ein tunnel under sundet for å knyte Nord-Irland til resten av Storbritannia. I august 2007 la Centre for Cross Border Studies fram forslag om ein 34 km lang jernbanetunnel under eller bru over sundet med ei kostnadsrame på 3,5 milliardar pund^[6] (om lag 33 milliardar kroner).

Sjå òg

• St. George's Channel