Nuba i Hebron

Nuba (arabisk نوبا) er ein palestinsk landsby som ligg 11 kilometer nordvest for Hebron. Landsbyen høyrer til Hebron guvernement sør på Vestbreidda. I følgje Palestinsk statistisk sentralbyrå hadde landsbyen eit folketal på 4 336 i 2007.^[2]

Nuba
نوبا
kommune
Namneopphav: tyder truleg «ein topp»[1]
Land	Dei palestinske territoria
Guvernement	Hebron guvernement
Koordinatar	31°36′25.96″N 35°02′12.24″E
Folketal	4 336  (2007)
Nuba i Hebron 31.607211111111°N 35.036733333333°E / 31.607211111111; 35.036733333333
Kart som viser Nuba i Hebron. Kart som viser Nuba i Hebron.
Wikimedia Commons: Nuba, Hebron

Historie

Landsbyen er nemnt seint på 1300-talet i eit dokument av mamelukk-sultanatet som styrte Palestina frå Kairo, der tre landsbybuarar er kalla «ar'ru'asā (leiarane) i landsbyen Nūbā».^[3]

Osmansk tid

Nuba vart, som resten av Palestina, ein del av Det osmanske riket i 1517, og i skattelista frå 1596, landsbyen oppført i skattelister som ein del av i Halil nahiya i Quds liwa. Han hadde eit folketal på 82 muslimske hushaldningar og betalte skatt for kveite, bygg, vindruer og frukttre, tilfeldige inntekter, geiter og/eller bikubar.^[4]

I 1883 skildra Palestine Exploration Fund i Survey of Western Palestine Nuba som «ein liten landsby oppå ein låg ås, med ein brunn kring 1,5 km mot aust.»^[5]

Det britiske mandatet

I folketeljinga i 1922 hadde Nuba' 357 innbyggjarar, alle muslimar.^[6] Dette hadde auka i folketeljinga i 1931 til 611 muslimar, i 140 hus.^[7]

I 1945 var folketalet i Nuba 760 arabarar, som eigde 22 836 mål land i følgje ei offisiell landmåling.^[8] 403 mål var plantasjar og irrigert land, 10 116 for korn,^[9] medan 33 mål var utbygd (urbant) land.^[10]