Nubl

Nubl (arabisk skrift نبل, òg skrive Nubbul eller Nubbol) er ein liten by nord i Syria i Aleppo guvernement, nordvest for Aleppo. Av stader i nærleiken finn ein al-Zahraa like i sør, Anadan i søraust, Tel Rifaat i nordaust, Aqiba i nord og Barad i vest. I følgje Syrisk statistisk sentralbyrå (CBS), hadde Nubl eit folketal på 21 039 i 2004.^[1] Innbyggjarane er hovudsakleg sjiamuslimar og i lag med den nærliggande al-Zahraa, dannar Nubl eit lite sjiasamfunn som er ei lomme i eit hovudsakleg sunnimuslimsk område i Aleppo guvernement.^[2]

Nubl
نبل
by
Land	Syria
Guvernement	Aleppo
Distrikt	A'zaz
Nahiyah	Nubl
Koordinatar	36°22′32″N 36°59′39″E
Folketal	21 039  (2004)[1]
Tidssone	EET (UTC+2)
Nubl 36.37555556°N 36.99416667°E / 36.37555556; 36.99416667
Kart som viser Nubl. Kart som viser Nubl.

Den syriske borgarkrigen

Nubl og al-Zahraa vart kringsett av opprørarane med Den frie syriske armeen (FSA) i juli 2012. Rørsla ut av Nubl er strengt overvaka og byen er avhengig av å få forsyningar via lufta av den syriske hæren. Sjølv om fofrholdet mellom innbyggjarar i Nubl og landsbyane kring normalt har vore venleg, har den syriske borgarkrigen gjort at motstandarar av regjeringa frå nærliggande sunni-landsbyar har hevda at Nubl og al-Zahraa husar regjeringsvenlege militsar som har utført åtak mot opposisjonen. Det har vore fleire hemn-kidnappingar mellom Nubl og opprørsvenlege landsbyar i nærleiken.^[2][3] Etter månader med slike kidnappingar, vart folkeråd i dei to byane samde om å byrje forhandlingar med sunniopprørarane den 27. mars 2013. Avtalen om å forhandle vart organisert av kurdarar frå Kurd Dagh-området i nærleiken, som er kontrollert av kurdiske separatistar i PYD. Kurdarane fungerte som meklarar og fleire kidnappa personar på begge sider vart sleppte fri.^[4]