Ola og Kari Nordmann

Ola og Kari Nordmann eller berre Ola og Kari er eit omgrep som ofte blir bruka som ei personifisering av vanlege nordmenn.^[1] Det blir mykje brukt i media, til dømes i snakk om folket som heilskap,^[2] om typiske eller gjennomsnittlege nordmenn.^[3] Namna er også brukt som døme i utfylling av skjema, lik Nomen nescio, NN.

Sjå òg Ola Nordmann av Plumbo.

Ola Nordmann er tradisjonelt blitt framstilt i bunad med raud (nisse)lue. Dette er ein vitseteikning frå Vikingen i 1905 av Olaf Krohn. Ola Nordmann må bera heile to folkerøystingar (om unionsoppløysinga og monarkiet) på eitt år. Ei leande Europa ser på.

Opphav

I 1844 gav Henrik Wergeland ut boka Skåltaler, 474 samlede og utgivene av Ola Nordmann. I 1915 blei namnet brukt for å skildra den vanlege nordmannen og i 1926 for å omtala nordmenn.^[4] Seinare la ein til ei Kari Nordmann. Namna Ola og Kari har lenge vore mykje brukte i Noreg, og har nordisk opphav.

Ola Dunk er eit avleidd namn brukt om ein typisk nordmann med dårlege eigenskapar.

Tilsvarande namn i andre land

I Sverige er Medelsvensson brukt om den typiske svensken, i Danmark Herr Sørensen og i Tyskland Otto Normalverbraker.^[4]

I USA er John og Jane Doe eller Average Joe brukt på same måte.

Bakgrunnsstoff

• Ola og Kari ved Statistisk Sentralbyrå