Olav Thon

Olav Thon (29. juni 1923–16. november 2024) var ein norsk, stort sett sjølvlært forretningsmann, fødd i Ål i Hallingdal. Han gjorde store pengar på særleg kjøp, bygging og utvikling av fast eigedom, mellom anna kjøpesenter, hotell og restaurantar, i både Noreg og somme andre land. Han vart Ridder av 1. klasse av St. Olavs Orden i 2003, og var som ivrig friluftsmann æresmedlem i Den Norske Turistforening etter å ha ytt store økonomiske bidrag til foreininga sine hytter og ruter i fjellet. Han var kjend for alltid å gå med ei karakteristisk strikkelue.

Olav Thon i samtale med Trond Helleland på sentralbanksjefens årstale i februar 2016

Olav Thon
Statsborgarskap	Noreg
Fødd	29. juni 1923 Ål
Død	16. november 2024 (101 år)
Yrke	eigedomsinvestor, velgjerar, hotelleigar, eigedomsutviklar, forretningsmagnat
Medlem av	Med Israel for fred, Den Norske Turistforening, Den Kongelege Norske St. Olavs Ordenen
Religion	Den evangelisk-lutherske kyrkja
Ektefelle	Sissel Berdal Haga Thon
Olav Thon på Commons

I ung alder reiste Olav Thon til Newcastle for å lære seg engelsk, og han var seinare ei tid i Sveits, der han gjorde forretningar i import og eksport. Deretter tok han til å kjøpe faste eigedomar i Noreg med stor økonomisk suksess, verksemda voks snøgt og vart børsnotert.

Kjelder

• «Olav Thon» i Store norske leksikon, snl.no.

Litteratur

• Berg, Hallgrim, 2008, En milliardær i anorakk. Oslo: Kagge forlag ISBN 9788248908357 ISBN 9788248908548

Bakgrunnsstoff

• Olav Thon-verksemdene