Omanbukta

Omanbukta (arabisk خليج عُمان, Ḫalīdj ʾUmān eller خليج مکران, Ḫalīdj Makrān; persisk دریای عمان Daryā-ye Ommān, دریای مکران Daryā-ye Makrān eller دریای پارس Daryā-ye Pārs) er ei havbukt (eigentleg eit sund) mellom Arabiahavet og Persiabukta, som det grensar til gjennom Hormuzsundet. Bukta ligg med landa Oman og Dei sameinte arabiske emirata i sør og Iran og Pakistan i nord.

Omanbukta

Satellittbilde av Persiabukta og Omanbukta.

Omfang

International Hydrographic Organization definerer grensene til Omanbukta som følgjer:^[1]

I nordvest. Ei linje frå Ràs Limah (25°57'N) ved kysten av Arabia og Ràs al Kuh (25°48'N) på kysten av Iran.

I søraust. Den nordlege grensa til Arabiahavet. Ei linje frå Ràs al Hadd, austpunktet i Arabia (22°32'N) og Ràs Jiyùni (61°43'E) på kysten av Pakistan.

• 
  Omanbukta ved Muscat i Oman.

  Foto: Ondřej Žváček
• 
  Hamna i Gwadar i Pakistan med utsyn over Omanbukta.
• 
  Eit amerikansk marineskip sigler gjennom bukta.

Sjå òg

• Omanbukta ørken og halvørken