Only Daddy That'll Walk the Line

«Only Daddy That'll Walk the Line» er ein song skriven av Jimmy Bryant. Han vart opphavleg spelt inn av den amerikanske countrysongaren Jim Alley,^[2] men gjort kjend av countrymusikaren Waylon Jennings.

Only Daddy That'll Walk the Line Singel av Waylon Jennings frå albumet Only the Greatest
B-side	«Right Before My Eyes»[1]
Utgjeve	13. juli 1968
Innspelt	16. april 1968
Studio	RCA Victor studios i Nashville
Sjanger	Country
Lengd	2:23
Selskap	RCA Victor #9561
Låtskrivar(ar)	Jimmy Bryant
Produsent	Chet Atkins
Waylon Jennings-kronologi
«I Got You» (1968)	Only Daddy That'll Walk the Line	«Yours Love» (1968)

Waylon Jennings-versjonen

Jennings spelte inn songen 16. april 1968 i RCA Victor Studios i Nashville med Chet Atkins som produsent.^[3] Han kom ut i juli 1968 som den andre singelen frå Jennings-albumet Only the Greatest.^[4]

Billboard skreiv i meldinga si om albumet at både albumet og «Walk On Out of My Mind» var «typiske for den robuste og overtydande vokalstilen hans.»^[5] Nathan Brackett og Christian Hoard i The New Rolling Stone Album Guide skreiv at Jennings «verkeleg byrjar å hevde den grovhogde følsemda si» på songen.^[6]

Songen var med i sesong sju episode fem av Mad Men.

Salslister

Songen låg 18 veker inne på Hot Country Singles-lista og låg på andreplassen i fem veker.^[1] I Canada gjekk songen til topps på RPM Country Tracks-lista i veka som enda 30. september 1968.^[7]

Liste (1968)	Plassering
US Country Songs (Billboard)[8]	2
Canadian RPM Country Tracks	1

Linda Ronstadt-versjonen

Linda Ronstadt spelte inn ein kjønnsomvendt versjon av songen (sungen som «The Only Mama That'll Walk the Line») i 1969 på albumet hennar Hand Sown ... Home Grown. Songen vart fast på konsertane til Ronstadt dei neste åra. Ho framførte han på The Johnny Cash Show i juni 1969 nesten eitt år før Jennings gjorde det same på same showet.

Hank Williams jr.-versjonen

Hank Williams Jr. spelte inn ein versjon av songen på albumet sitt Family Tradition, som kom ut i 1979.

The Kentucky Headhunters-versjonen

Only Daddy That'll Walk the Line Singel av The Kentucky Headhunters frå albumet Electric Barnyard
B-side	«Walk Softly on This Heart of Mine»[9]
Utgjeve	1991
Sjanger	Country
Lengd	3:10
Selskap	Mercury #866134
Låtskrivar(ar)	Jimmy Bryant
Produsent	The Kentucky Headhunters
The Kentucky Headhunters-kronologi
«It's Chitlin' Time» (1991)	Only Daddy That'll Walk the Line	«Let's Work Together» (1992)

I 1991 spelte The Kentucky Headhunters inn ein versjon for albumet Electric Barnyard. Dei gav han ut på singel same året, som då låg sju veker på countrylista og nådde 60. plassen.

Salslister

Liste (1991)	Plassering
US Country Songs (Billboard)[10]	60

Norsk versjon

Rudi Nelson skreiv ein norsk tekst til songen, som fekk tittelen «Han er ikkje god». Songen kom ut på Rudi Nelson-albumet Langs Norskekysten i 2014.