Orkdal kommune

Orkdal er ein tidlegare norsk kommune i Trøndelag fylke. Han grensa til Snillfjord og Agdenes i nord, Hemne i vest, Meldal og Rindal (i Møre og Romsdal) i sør og mot Melhus og Skaun i aust. I 2020 blei kommunen slått saman med Meldal, Agdenes og ein del av Snillfjord til nye Orkland kommune.

Orkdal kommune
kommune
Kommunevåpen
Land	Noreg
Fylke	Trøndelag
Adm.senter	Orkanger
Areal	594 km²
•  land	567 km²
•  vatn	27 km²
Målform	nøytral
Ordførar	Oddbjørn Bang (Sp)
Kommunenr.	5024
Orkdal kommune 63.288888888889°N 9.7261111111111°E / 63.288888888889; 9.7261111111111
Kart som viser Orkdal kommune. Kart som viser Orkdal kommune.
Wikimedia Commons: Orkdal
Nettstad: www.orkdal.kommune.no

Tettstader i Orkdal var Orkanger, Gjølme, Fannrem, Vormstad og Svorkmo. Orkanger var regionsenter for kommunane rundt.^[1]

Personar som kjem frå tidlegare Orkdal kommune blir kalla for orkdalingar.

Geografi

Elva Orkla renn gjennom kommuneområdet og ut i Orkdalsfjorden ved Orkanger. Orkdalsfjorden er ein sidefjord til Trondheimsfjorden.

Det er mykje dyrka mark i Orkdal. Ho finst hovudsakleg i botnen av dalen og på store, flate avsatsar eit stykke oppe i dalsidene. På lokal dialekt blir ein slik avsats kalla ein «jår», og i Orkdal er det seks «jårar»; Ustjåren, Berbusjåren, Kvålsjåren, Togstadjåren, Monsetjåren og Fossjåren.

Elvar, fjell og vatn i Orkdal

• Orkla
• Skjenaldelva
• Gagnåsvatnet
• Våvatnet
• Hostovatnet
• Gimsehøgda

Næringsliv

På Orkanger ligg industriområdet Grønøra. Dette er eit av dei største industriknutepunkta ved Trondheimsfjorden.

Utdanning

• Orkdal vidaregåande skole
• Torshus folkehøgskole

Helse

Orkdal sjukehus er lokalsjukehus for regionen. Det heitte tidlegare Orkdal Sanitetsforenings Sjukehus og var eigd av den lokale sanitetsforeininga, men er i dag ei avdeling under St. Olavs hospital.

Verdt å sjå

Thamshavnbanen frå Løkken Verk i Meldal og ned til Trondheimsfjorden i Orkdal kommune er no nedlagt, men ei kortare strekning er gjenopna for turistar.

Tusenårsstad

Tusenårsstaden i kommunen var stasjonsområdet på Fannrem. Dette inkluderer gamle Fannrem jernbanestasjon, Stasjonsparken, samt den gamle brannstasjonen.

I parken er det bygd musikkpaviljong, leikeapparat, bord og benkar. Sentralt plassert i parken er skulpturen «Go'foten», eit handfast bevis på Nils Arne Eggen sin «godfotteori». Tusenårstreet til kommunen er òg planta her.

Tusenårsstaden er hyppig bruka til ulike arrangement og føremål gjennom året: Parkrennet, 17. mai-feiring, Stasjonsdagen, Husflidsdagen, Oktoberfestivalen, julegrantenning, veteranbilutstilling, museumsjarnbane, husflid med meir.

Fannrem Velforening har ansvaret for den daglege drifta og vedlikehaldet av staden.

Bilete

• 
  Søvatnet nær Søvassli
• 
  Industriområdet Grønøra ved hamna i Orkanger
• 
  Fannrem stasjon er tusenårsstaden i Orkdal koommune.
• 
  Orkdal kyrkje på Fannrem

Kjende orkdalingar

• Johan Bojer, forfattar
• Nils Arne Eggen, fotballtrenar
• Roar Ljøkelsøy, skihoppar
• Christian Thams (1867-1948), industrigründer
• Musikkgruppa Gåte, folkemusikk/rock