Ortnevik

Ortnevik er den austlegaste bygda på sørsida av Sognefjorden i Høyanger kommune, og er ein av mange inngangsportar til Stølsheimen. Namnet kjem frå orken, som tyder sel, kobbe, og er den same stammen som i namnet Orknøyane.^[1]

Ortnevik
stad
Land	Noreg
Fylke	Vestland fylke
Kommune	Høyanger kommune
Postnummer	5962
Ferdselsårer	Fylkesveg 5442, Vik-Ortnevik-Måren-Nordeide-Høyanger
Ortnevik 61.1083°N 6.13083°E / 61.1083; 6.13083

Bygda fekk vegutløysing i 1985 med opninga av samanhengande fylkesveg vestover langsmed Sognefjorden til Bjordal og Hest,^[2] der det går vegar vidare til Matre i Masfjorden og Ytre Oppedal. Ortnevik har òg bilførande båtsamband frå Ortnevik ferjekai til Nordeide på nordsida av Sognefjorden, og Vikøyri i Indre Sogn.