Oto Nemsadze

Otar Nemsadze (fødd 18. juni 1989) er ein georgisk songar. 3. mars 2019 vann han georgiske Idol og representerte Georgia i Eurovision Song Contest 2019 i Tel Aviv med songen «Sul tsin iare».^[1]

Oto Nemsadze
Fødd	18. juni 1989 (36 år)
Fødestad	Gori
Fødenamn	ოთო ნემსაძე
Opphav	Georgia
Aktiv	2010–
Sjanger	pop
Verka som	musikar, songar

Bakgrunn

Nemsadze vart fødd i Gori i Georgia. Han vart kjend i Georgia i 2011, då han vann talenttevlinga Geostar, den georgiske versjonen av Idol. I 2013 nådde han ein andreplass i talentprogrammet Holos Krajiny, den ukrainske utgåva av The Voice.^[1][2]

I 2017 deltok Nemsadze i den georgiske uttakinga til Eurovision Song Contest 2017 som del av gruppa Limbo. Gruppa enda på ein delt tiandeplass blant 25 deltakarar med songen «Dear God».^[3]

I 2019 deltok Nemsadze på ny i georgisk Idol, og 3. mars 2019 vart han nok ein gong kåra til vinnar av georgisk Idol gjennom ei telefonavrøysting. 2019-utgåva av Idol fungerte òg som ein nasjonal finale til Eurovision Song Contest 2019 i Tel Aviv i Israel. I Idol-finalen framførte han den patriotiske rockeballaden «Sul tsin iare» ('gå på'), som òg var det georgiske bidraget i Eurovision Song Contest 2019.^[2]