Oxford Street

Oxford Street er ei av dei viktigaste handlegatene i London. Ho går frå Marble Arch ved nordvesthjørnet av Hyde Park, gjennom Oxford Circus og fram til St Giles Circus, i krysset med Charing Cross Road og Tottenham Court Road. Etter St Giles Circus fortset gata som New Oxford Street. På vestsida av Marble Arch heiter fortsetjinga av gata Bayswater Road. Heile gata er rundt 1,2 mile (1,9 km) og ligg i City of Westminster.^[1] The road ^[1]

Oxford Street
veg
Land	Storbritannia
Oxford Street 51.515277777778°N 0.14194444444444°W / 51.515277777778; -0.14194444444444
Wikimedia Commons: Oxford Street

Oxford Street er den travlaste handlegata i Europa, med rundt ein halv million vitjande dagleg. I 2012 hadde ho rundt 300 butikkar. Offisielt er vegen ein del av hovudvegen A40 mellom London og Fishguard i Wales, men han har ikkje A40-skilt, og trafikken er vanlegvis avgrensa til bussar og drosjar.

Gata var opphavleg ein del av romarvegen Via Trinobantina mellom Essex og Hampshire via London. I mellomalderen var han kjend som Tyburn Road, og var kjend for offentleg henging av fangar ved Tyburn Gallows. Han blei kjend som Oxford Road og s[ som Oxford Street på 1700-talet, og byrja etterkvart endra karakter frå bustadsområde til handel. Stormagasin byrja prega gata frå byrjinga av 1900-talet, med Selfridges (som opna i 1909) som den mest merkbare. Under andre verdskrigen blei gata hardt bomba, og fleire bygningar, som John Lewis & Partners, blei totaløydelagde og måtte byggjast opp att frå grunnen.

Verna bygningar

Oxford Street har fleire bygningar verna som Grade II. Fasaden til Oxford Circus undergrunsstasjon er også verna.^[2][3]

Nummer	Grad	År verna	Skildring
6	II*	1987	Puben The Flying Horse[4]
14–16	II	2009[5]	Tidlegare Lyons Corner House, bygd 1926–1927 etter design av F. J. Wills.
34–36	II	1987	Bygd i 1912[6]
35	II	2009	Bygd for Richards & Co. gullsmedforretning i 1909[7]
54–62	II	1987[8]	Evelyn House, utforma av H. Percy Adams og Charles Holden (1909).
105–109	II	1986	Bygd ca. 1887 for hattemakaren Henry Heath[9]
133–135	II	2009	Pembroke House, bygd 1911[10]
147	II	2009	Bygd i 1897 for apotekaren John Robbins.[11]
156–162	II*	1975	Bygd 1906–08 for Mappin & Webb; eit tidleg døme på ein struktur med stålramme.[12]
164–182	II	1973[13]	United Kingdom House, det tidlegare stormagasinet Waring & Gillow
173	II	2009	Pantheon, no Marks and Spencer[14]
214–234	II	1973[15]	Den tidlegare Peter Robinson-bygningen ved Oxford Circus
219	II	2001[16]	Bygd 1951-52 og pynta med relieff som feirar Festival of Britain
313	II	1975	Bygd c. 1870–1880[17]
360–366	II	1987[18]	Bygd 1919–1921 for Lilley & Skinner
368–370	II	2008	Tidleg 1900-talskonstruksjon med fasade frå 1930-talet[19]
400	II*	1970[20]	Selfridges, bygd i etappar frå 1906 til 1928.

• 
  Nr. 6
• 
  Nr. 34 & 36
• 
  Nr. 35
• 
  Nr. 147
• 
  Nr. 156–162
• 
  Nr. 219
• 
  Nr. 313
• 
  Nr. 368–370