Paperlate

«Paperlate» er ein song av det britiske rockebandet Genesis. Songen vart først gjeven ut på EPen 3 X 3 i 1982. EPen nådde 10. plass på albumlista i Storbritannia i 1982. Suksessen til EPen førte til at bandet fekk spele på Top of the Pops. I Amerika vart «Paperlate» gjeven ut som ein vanleg singel med «You Might Recall» som B-side. Han var òg med på den amerikanske versjonen av albumet Three Sides Live i lag med resten av songane frå 3 X 3.

Paperlate Singel av Genesis frå albumet 3 X 3
B-side	You Might Recall
Utgjeve	15. mai 1982
Innspelt	Mai-juni 1981
Sjanger	Poprock
Lengd	3:20
Selskap	Charisma (UK)
Komponist	Tony Banks
Låtskrivar(ar)	Tony Banks, Phil Collins, Mike Rutherford
Produsent	Genesis
Genesis-kronologi
«Man on the Corner» (1982)	Paperlate	«Mama» (1983)

Historie

Tittelen kom frå ein linje i Genesis-songen «Dancing with the Moonlit Knight» frå 1973 («Paper late, cried a voice in the crowd»), som Genesis øvde på under ein lydsjekk, noko som førte til starten på denne songen. «Paperlate» er ein av to songar av Genesis med blåserekkja frå Earth, Wind & Fire. Den andre er «No Reply At All frå Abacab.^[1] Collins har ofte nytta blåserekkja for sine soloprosjekt, mellom andre soloalbumet Face Value.^[2] Det vart laga ein musikkvideo for singelen som nytta opptak frå Top of the Pops.^[3]