Det tapte paradis

Det tapte paradis (opphavleg tittel Paradise Lost) er eit episk dikt frå andre halvdel av 1600-talet av den engelske diktaren John Milton. Diktet skildrar Satan sitt opprør mot Gud, skapinga av jorda, syndefallet og utdrivinga av menneskja frå paradis. Det er skrive i blankvers, det vil seie jambisk pentameter utan rim.

Første sida frå førsteutgåva av Det tapte paradis.

Diktet viser til ei rekkje klassiske diktverk, som Homer og Vergil frå antikken og Edmund Spenser frå tidlegare engelsk litteratur. Den første utgåva av verket frå 1667 er organisert i 10 kapittel. Den reviderte utgåva frå 1674 har 12 kapittel (som Æneiden av Vergil). Diktet blei omsett til dansk ved I.H. Schønheyder så tidleg som i 1790 og til norsk av Arthur Olav Sandved i 1993 og 2005.